شەفەق نیوز/ ماڵپەڕەیل پەیوەندیە کۆمەڵایەتیەگان لە وڵات میسر پارچە ڤیدیۆیگ بڵاو کردن کەسیگ دەوڵەمەن لە ناوچەی ئوسیم لە پارێزگای جیزە نیشان دەێد، چەبکەیل پویل لەبان ماڵەگەی خەردە خوارەوە، ک بویە گردەوبوین سەدان کەس.

میادیایل ناوخۆیی باسکردن ک پیاوەکە ناوی سەبری سەدەومە س و ئەوسا ئەندازیار نەفت بوی و لەناونی هاوساگانی وە خانەدانی و خوەشەویستی ناسریاگە، بەڵکم هەمیش وەناوبانگە وە چەن رەفتاریگ نا سروشتی.

هاوسایل پیاوەگە ئەرا چەن ڕۆژنامەیەگ وتن ک پیاوەگە دەوڵەمەنە و پویل فرەیگ دیرێد، و ئاماژە کردن ک بڕیەل فرەیگ لە پویلەگانی لە دووسەد جونێه (١٢،٧) دۆلار خستیادە خوار، ک هیشت فرە مەردم گردەو بوون، و دی نەچووچیان تا پۆلیس هات و داوا لە مەردم کرد رێز لە ریکارەیل نواگردن ڤایڕۆس کۆڕۆنا بگرن.

رۆژنامەی وەتەن لە زووان یەکیگیان وت ک سدومە وەرجەیە دوو جار ئیجوور  رەفتاریگ کردگە، بەڵکم ئیجا دەسی وازتر بوی، و وتیاد؛ دوعا ئەرا سەبری مامەدان بکەن.

هاوساگان وتنیش ک سەدومە لەناوچەگەیان فرە وەناوبانگەو بوی لەوەر رەفتارە ئەڵاجەویەگانی، ک وەرجەیە بتوڵ ئاو لەبانەو خستیادە خوار.