شەفەق نیوز/ لیوا یەحیا رەسول قسەکەر وەناو فەرماندەی گشتی هێزە چەکدارەکان، ئمڕوو چوارشەممە، راگەیان دەسگیرکردن ژمارەیگ لە تیرۆرستەیل لەلایەن دەزگای دژە تیرۆر وەهەماهەنگی وەگەرد ئاسایش سلێمانی.
رەسول لە بەیاننامەیگ رەسیە ئاژانس شەفەق نیوز وت: دەزگای دژە تیرۆر توێنست زنجیرەی ووردیگ لە ئەرکە جیاوازەکان جیوەجی بکەێد، ک وە دەسگیرکردن ژمارەیگ لە داواکاکریایەل لە جووراجور ناوچەیل وڵاتەگە سەرکەفتن هاورد، ک یەکیگ لە ئەندامەیل داعش لە ناوچەی حەبانیە لە ئەنبار دەسگیر کرد.
وتیش؛ وە هەماهەنگی وەگەرد ئاسایش پارێزگای سلێمانی دەزگاگە دوو تیرۆرست دەسگیر کرد، کار لە مەفرەزەیل تیرۆری مەترسیداریگ کردنە و یەکیگیان لە ساڵ ٢٠١٣ لە زیندان ئەبوغرێب وایە.
رەسول هەمیش وت؛ ئەندامەیل دەزگاگە ٣ کەس لە جیماگەیل داعش دەسگیر کردن دووانیان لەناو باخەیل باکورور بەغداد، و ئەواکە لە خوەرئاوای، تا ژمارەی دەسگیرکریایەکان بوودە ٦ تیرۆرست.