شەفەق نیوز - کەرکووک

دەزگای دژەتیرۆر، ئمڕوو چوارشەممە، راگەیان دەسگیرکردن توومەتباریگ "خاوەن پایەی بەرز" لە ریخریاگ داعش لە پارێزگای کەرکووک.

 وەپەی بەیاننامەیگ لە دەزگاگە، پرۆسەی دەسگیرکردنەگە پشت وە فەرمان دەسگیرکردنیگ وەرین بەساس کە لەبانی دەرچگە لە دادوەری لێکۆڵینەوەی تایبەتمەن وە پرسەیل دەزگای دژەتیرۆر، کە ریکارە یاساییە هەوەجەدارەی وەرانوەری گیریاسە وەر.

 دەزگای دژەتیرۆر دووپات کرد لەبان وەردەوامبۊن ئۆپەراسیۆنە جویرییەیلی ئەرا وەدۊاچگن داواکریاگەیل ئەرا دادگا و راونان جیماگەیل داعش، وە شیوەیگ کە ئاسایش و سەقامگیری هازدار کەێد و پارێزگاری لەبان بیوەیی هاووڵاتییەیل کەێد.