شەفەق نیوز ــ بەسرە
دەیان دەرچگ، ئمڕوو یەکشەممە، ری دەروازەی ناوچەی برجەسیەی نەفتی لە بەسرە بەسان، داوای چەسپاننیان کەن وەپای بڕیار 315 و جیاوەکردنیان لە رینمایەیل بودجەی سێیانی.
پەیامنێر ئاژانس شەفەق نیوز وت، خوەنیشاندەرەل دووپاتکردن هەوەجەکەێد بڕیار 315 جیوەجیبکەن لە کۆمپانیا نەفتیەیل بچەسپنەنیان لەبان میلاک هەمیشەیی، و داوا لە سەرۆکایەتی وەزیرەل و وەزارەت نەفت کەن ئەرا پەسەنکردن داواکاریان وە تەواوکردن دۆسیەی چەسپاننیان لە وەزارەت نەفت و دارایی.
فرەجار کێڵگە نەفتیەیل بەسرە خوەنیشاندان وە خوەی دوینێد و داوای دامەزران و خاسەوکردا خزمەتگوزاری و کارکردن ئەرا مەردم پارێزگاگە کرێد وەلایەن دەرچگ و گەنجەیل لە پیشەیل حکومی و کۆمپانیا نەفتیەیل.