شەفەق نیوز/ وەزارت تەندروسی وژینگەی عراق، ئمڕوو چوارشەممە، راگەیان تۆمارکردن ١١٠ تووشهاتن وە ڤایڕۆس کۆڕۆنا لەناو ئەو عراقیەیلە کا لە وڵات هیند هاوریانەو.

سەیف بەدر قسەکەر وەناو وەزارەتەگە لە وتاریگ ئەرا سپۆنتیک وت: ئەو عراقیەیلە ک تووش کۆڕۆنا هاتنە لەوانەگ لە وڵات هیند هاوریانەسەو بنچینە بووە هبندیەگە  وەپیان نییە.

بەدر وتیش؛ گشت ئەوانەگ لە هیندستان هاتنەسەو کەفنە ژیر ریکارەیل تەندروسی گشتی، و ئەوە لەباوەت پابەند نەوین وە ریکارە تەندروسیەکان وەگەردیان راس نییە.

و دیاری کرد ک وەزارەت تەندروسی توێنست پیشوازی لە یەکەم چین ئەوانەگ لە هیندستان هاتنەسەو بکەێد، و ٨٣ تووشهاتگ لەناویان بوی کەرەنتین کریان، و ٢٧ تووشهاتگ لەناو دوویەم چینەگە بوی.