شەفق نيوز- ديالە
سەرچەوەیگ ئەمنی لە دیالە، ئمڕوو شەممە، خەوەردا لە کوشیان دوو کەس یەکیگیان فەرمانبەر حکومەتیە، و زەخمداربوین شەش کەس لە ئەنجام دوو رویداو جیاجیا لە باکوور پارێزگاگە.
سەرچەوەگە ئەرا ئاژانس شەفەق نیوز وت: رانندەیل ماشین یەکەم کە تەکسی بویە وە دویەم کو پیکئاب بابە کە فەرمانبەر شارەوانی بویە هەردوگیان گیانیان لەدەسدان، و دوو کەسیش زەخمدار بویە لە رویداویگ هاتوچو دڵتەزن لەبان ری بەعقووبە - مەنسووریە باکوور خوەرهەڵات دیالە.
سەرچەوەگە وتیش: چوار کەس ترەک لە رویداویگ ترەک وە مدوو پایان ماشینیگ (ستاریكس) لەبان ری سەرەکی نزیک ناوچەی حەمرین زەخمدار بوین.
وتیش: هیزەیل ئەمنی رەسینە شوین دوو رویداوەگە، و تەرم قوربانیەیل ئەرا پزشک دادوەری بریا، و زەخمدارەیل ئەرا خەسەخانە.