شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا لە پەیاکردن تەرم سەربازیگ عراقی، وەرەوشەیل نادیاریگ لە یەکیگ لە ناوچەیل پارێزگاگە کوشیا، لەوەختیگ ک گەنجیگ لە نەجەف خوەی کوشت.
سەرچەوەگە ئەرا ئاژانس شەفەق نیوز وت؛ هێزیگ ئەمنی تەرم سەربازیگ پەیا کرد دویای چەن ساعەتیگ لە گومابوینی لە ناوچەی حەمرین، و لەشی شوین چەقو ها پیەو.
سەرچەوەگە دیاری کرد ک سەربازەگە لە وەخت پشۆ بوی، و دوێەکە ئیوارە لە ماڵ دەرچگ و گلەو نەخوارد.
لە نەجەف، سەرچەوەیگ ئەمنی، خەوەردا ئاژانس شەفەق نیوز لە خوەیکوشتن گەنجیگ لە داڵگبوی ٢٠٠٠ وە سێدارە لە قەزای حەیدەریە.
سەرچەوەگە دیاری کرد ک تا ئیسە هووکارەیل خوەیکوشتنەگە نادیارن.