شەفەق نیوز- دیالە

تیمەیل وەرگری شارستانی، رووژ یەکشەممە، ئاگریگ کپەو کردن کە لەناو کۆمپانیای گشتی دیالە ئەرا پیشەسازییەیل کارەبایی لە شار بەعقووبە هیز گرد، لە وەختیگ پولیس پارێزگاگە دەسوەسەرکردن تۆمەتبارەیل وە دزین 90 مەلیۆن دینار لە ماڵیگ نیشتەجیبۊن راگەیان، دۊای واینیان وەرەو بەغداد.

 سەرچەوەیگ لە وەرگری شارستانی ئەرا ئاژانس شەفەق نیوز وت، کە "ئاگریگ لە وەخت کارەیل پاکەوکردن لە گۆڕەپان و باخچەیل کۆمپانیای گشتی دیالە ئەرا پیشەسازییەیل کارەبایی لە شار بەعقووبە هیز گرد".

 وتیش کە تیمەیل ئاگرکپەوکردن رەسینە شوین ئاگرەگە و دەس کردنە پرۆسەیل کپەوکردن و کۆنترۆڵکردن ئاگرەگە، وە دیاریکردن ئەوەگ "هیچ زەرەدیگ گیانی یا ماددی لە ئەنجام ئاگرەگە نەکەفتەسەو".

 لە رویداویگ ئەمنی جیاواز، پولیس دیالە تومەتبارەیلیگ وە دزین بڕ 90 مەلیۆن دینار لە یەکیگ لە ماڵەیل لە ناوچەی باویە لە دەورگرد بەعقووبە دەسگیر کرد، دۊای واینیان وەرەو بەغداد.

سەرچەوەیگ ئەمنی ئەرا ئاژانس شەفەق نیوز وت، کە "پولیس دیالە، لەڕی چەودیریکردن و وەدۊاکەفتن، پرۆسەیگ تایبەت لە بەغداد جیوەجی کرد کە بۊە مدوو دەسگیرکردن تومەتبارەیل وە دزین یەکیگ لە ماڵەیل نیشتەجیبۊن و دەسناین وەبان بڕ 90 مەلیۆن دینار عراقی".

 دیاری کرد کە پرۆسەگە هەمیش بۊە مدوو دەسگردن وەبان ماشینە دزیایەگە، وەگەرد زەڕ و 14 مۆبایل، وتیش کە  رێکارە یاساییەیل وەرانوەریان تومەتبارەیل جیوەجی کریا.