شەفەق نیوز/ سەرچەوەیگ حکومەتی لە دیالە، ئمڕوو دووشەممە، خەوەردا ک ٦ تاوەر وزەی کارەبا لەوانەگ کەفتنە وەر ویرانکردن وە بومبەیل دانریاگ خاسەو کریان.
سەرچەوەگە ئەرا ئاژانس شەفەق نیوز وت: کادرەیل خاسەوکردن تووڕەیل کارەبا توێنستن ٤ تاوەر خاسەو بکەن کەوە بومبەیل دانریاگ لە ناوچەی کباشی ناوبەین خانەقین و سەعدیە ویران کریانە خاسەو بکەن، و دوو تاوەر تر لە دەورگرد ناحیەی سەلام
سەرچەوەگە دووپات کرد ک تاوەرەیلەویلی خاسەوکردن و داناین ئەرا ماوەی سێ هەفتەی دووارە کەفتنە کار، و هایمنە چەوەڕی گلەوخواردن هێڵ ئێرانی، ک هێنان لە دیالە بڕیاگە لەوەر خوازین ئیران ئەرا کارەبا و داوەزینی لە چەن ناوچەیگ.
سەرچەوەگە دیاری کرد ک دیالە ئیسە لە سیستەم نیشتمانی لە ٦٠٠ - ٧٠٠ میگاوات بەشەو کەێد.