شەفەق نیوز- پاریس

عراق، ئمڕوو دووشەممە، وەگەرد لایەن فەرەنسی چەن رێککەفتنیگ لە بوارەیل وزە و فڕۆکەوانی واژوو کرد.

عەلی زەیدی، سەرۆک حکومەت و سەرۆک فەرەنسی ئیمانوێل ماکرۆن، چەودیاری واژووکردن رێککەفتنەیل کردن، وەپای پەخشیگ راسەوخۆ لە کۆشک ئەلیزێ لە فەرەنسا.

 رێککەفتنەیل، واژووکردن رێککەفتنیگ لەلایەن وەزیر دەیشت وەگەرد هاوتا فەرەنسییەگەی لە بوار زیایکردن دەرفەتەیل گەنجەیل، و واژووکردن یاداشت لەیەکفامستن لەلایەن وەزیر کارەبا وەگەرد کۆمپانیای تۆتاڵ فەرەنسی ئەرا گرێبەس دابینکردن و فرووشتن غاز لەخوەی گرد.

هەمیش واژووکردن راگەیانن نیازیگ لە کەرت فڕۆکەوانی مەدەنی لەناوەین وەزارەت گواستنەوە و دەسەڵات فڕۆکەوانی مەدەنی فەرەنسی.

 دۊاتر، نووسینگەی راگەیانن سەرۆک حکومەت بەیاننامەیگ دەرکرد کە لەتی خەوەردا، لەباوەت واژووکردن 6 یاداشت لەیەکفامستن لەناوەین عراق و فەرەنسا لە شمارەیگ لە کەرتەیل، بی هیچ هۊردەکارییگ زیاتر.