شەفەق نیوز/ پارێزگایل میسان و زیقار، ئمڕوو جمعە، چەن رووداوەیگ تۆمار کرد، زاقتریان خوەیکوشتن گەنجیگ وە گولە بوی.
سەرچەوەیگ ئەمنی ئەرا ئاژانس شەفەق نیوز وت: چەکدارەیلیگ نەناسریاگ تەقە لە فەرمانبەریگ لە وەزارت کارەبا لق زیقار کرۆنەو چەن گولەیگ دریا لەشی لە ناوچەی شوهدا ناوڕاس ناسریە.
سەرچەوەگە وتیش؛ چەکدارەیلە وەرەو شوین نادیاریگ واین، و خەڵکەگە زەخمدارەگە وەرەو خەسەخانەی تورکی رەسانن.
لە رووداویگ تر، سەرچەوەگە دیاری کرد: ک گەنجیگ ١٧ ساڵان لە قەزای قەلعەت سکەر، لە مرافەیگ هووزانە وە گولەیگ زەخمدار بوی، و بریا خەسەخانە.
لە میسان گەنجیگ لە خەفەت مردن باوکی خوەی وە گولە کوشت.
سەرچەوەگە ئەرا ئاژانس شەفەق نیوز وت: گەنجیگ ٢٠ ساڵان لەناو ماڵەگەی خوەی لەناوڕلس پارێزگاگە وە گولەی دەوانچە کوشت.