شه‌فه‌ق نيوز/ ده‌مه‌و شه‌وه‌كى ئمڕوو خوه‌ينيشانده‌ره‌يل تويڕه ده‌سكردنه بڕين رێ وه‌ره‌و دو به‌نده‌ر له پاريزگاى به‌سره له پايين باشوور عراق.
له‌ى باوه‌ته‌و، وه‌رپرسيگ ناوچه‌يى ئه‌را شه‌فه‌ق نيوز وت: خوه‌ينيشانده‌ره‌يل تويڕه له مه‌ردم خۆر زوبێر رێ هه‌ردوگ به‌نده‌ر خۆر زوبێر و ئوم قه‌سر بڕينه‌و ئاشكراى كردنه ك كانديدكردن ئه‌سعه‌د عيدانى پاريزگار ئه‌را پۆست سه‌رۆك وه‌زيره‌يل ره‌ته‌و ئه‌كه‌ن.
جى باسه، يه‌يش له‌وه‌ختيگه هاوپه‌يمانى بنياتنان وه سه‌ركردايه‌تى هادى عامرى ئه‌ميندار گشتى ريكخرياگ به‌در و نورى مالكى سه‌رۆك ئئتلاف ده‌وڵه‌ت ياسا, ئه‌سعه‌د عيدانى پاريزگار ئيسه‌ى به‌سره ئه‌را پۆست سه‌رۆك ئه‌نجومه‌ن وه‌زيره‌يل كانديد كرد دوياى كيشانه‌وه‌ى محه‌مه‌د سودانى و قوسه‌ى سوهێل له كانديدكردن.