شه‌فه‌ق نيوز/ ده‌مه‌و شه‌وه‌كى ئمڕوو خوه‌ينشانده‌ره‌يل ريگه‌ى چگن وه‌ره‌و سه‌رچه‌وه‌ى نه‌فتى رومێله له پاريزگاى به‌سره له باشوور عراق بڕين، يه‌يش له‌وه‌ختيگ ك دويه‌كه سيشه‌ممه‌يش هه‌مان رێ بڕين.
ئاماژه وه‌يه‌يش ئه‌كريه‌ێد سه‌رچه‌وه‌ى نه‌فتى رومێله بريگ چاڵه نه‌فت ئاشكراكرياێ گرته‌سه خوه‌ى ك وه‌به‌رهاوردن نه‌فت له‌تيان ئه‌نجام ئه‌دريه‌ێد و هه‌ر له نيمه‌ى خوه‌رئاواى به‌سره ده‌س وه‌پى ئه‌كا له باكوور ده‌وڵه‌ت كوه‌يت و له ديم كوه‌يتيشه‌و وه‌پى ئويشن سه‌رچه‌وه‌ى ره‌تقه.
جى باسه، سه‌رچه‌وه‌ى نه‌فتى رومێله ئه‌دێده دو به‌شه‌و: رومێله‌ى باكوور و رومێله‌ى باشوور شان وه‌شان كوه‌يت، ك نۆيه‌مين گه‌وراترين سه‌رچه‌وه‌يگ نه‌فتيه له جه‌هان.