شەفەق نیوز ـ بەغدا / دیالە
دوو سەرچەوەی ئەمنی، ئمڕوو سێشەممە، خەوەردان لە خوەيکوشتن "گوماناوی" دویەتیگ لە بەغدا، لەدویای خنکیان گەنجیگ لە چەم دیالە.
سەرچەوەیگ لە بەغدا وە ئاژانس شەفەق نیوز وت، دویەتیگ لەداڵگبوی ( 2011) لەری تەقەکردن لەخوەی گیان لەدەسدا وە وەکارهاوردن دەوانچە لەناو گەراج ماڵەگەیان لە ناوچەی بەیاع باشوور بەغدا.
وەپای سەرچەوەگە، "گومان لە رویداوەگە هەس، پسپۆرەیل بەڵگەناسی دەسکردنەس وە لێکۆڵینەوە لە چۆنیەتی رویداوەگە".
سەرچەوەیگ ئەمنی لە دیالە وە ئاژانس شەفەق نیوز راگەیان، هێزە ئەمنیەیل تەرم گەنجیگ دراوردن کە مەوقەی سناوکردن لە چەم دیالە لە نزیک ناحیەی ئەبی سەیدا نقومبوی لە باکوور خوەرهەڵات شار بەعقوبە.
دیاریکرد، تەرمەگە ئەرا پزیشک دادوەری کلکریا و لێکۆڵینەوە لە چوينیەتی رویداوەگە وازکریا.