شەفەق نيوز- زیقار 

سەرچەوەیگ ئەمنی لە زیقار، ئمڕوو پەنجشەممە، خەوەردا لە توومارکردن سێ مردن لە ماوەی 24 ساعەت گوزەشتە وە رویداوەیل جیاواز.

سەرچەوەگە وە ئاژانس شەفەق نیوز راگەیان "دویەتیگ 21 ساڵان لەری هەڵواسین خوەی وە پەنکەی قێ قەواسەی مڵیان خوەی کوشت لە کویچەی زەهرا لە ناحیەی ئور خوەرهەڵات ناسریە، وە مدوو ناجیگیری دەروینی، وەپای قسەی کەسوکاری".

وتیش، "کەسیگ وەمدوو وەردەوەردەیگ ناوەین دوو لایە لە قەزای غوراف باکوور زیقار کوشیا، وە مدوو وەردەوەردەیگ کوەنە، تەرمەگەی ئەرا پزیشک دادوەری کلکریا  ئەراتەواوکردن رێکارەیل یاسایی وەرانوەری و وازکردن لێکۆڵینەوە لە چوینیەتی رویداوەگە".

سەرچەوەگە دیاریکرد "مناڵیگ 9 ساڵان وە تلانا گیان لەدەسدا لە ناوچەی ئال حاتەم لە قەزای شەترە باکوور پارێزگای زیقار، و تاوانبار ئەرا شوین نادیاریگ وایە".