شەفەق نیوز/ گەنجیگ لە ئەنجام کەفتنی لە پۆل شەش ئامادەیی خوەی کوشت، و دەزگایل ئەمنی عراقی توەنستن دوو توومەتبار دەسگیر بکەن کە زیاتر لە ٢٠٠ پەیج چزداین و رسواکردن وەڕیەو بەن، لە دوو رویداو جیاجیا لە دوو پارێزگا لە باشوور عراق.
سەرچەوەیگ لە پولیس ئەرا ئاژانس شەفەق نیوز وت: گەنجیگ وەناو (م، ر) لەداڵگبوی ساڵ 2004 خوەی وە پارچە پەڕوویگ دادە سێدارە لەوەر کەفتنی لە پۆل شەش ئامادەیی.
لەلای خوەییس، دەزگای ئاسایش نیشتمانی لە بەیاننامەیگ وت: دویای وەشوینکەفتن ماڵپەڕ و پەیجەیل سۆشیال میدیا و لە ئەنجام سکاڵا لەبان چەن کەسیگ لە خەڵک و دەمچەرمگەیل و وەڕیەوبەرەیل یەکەیل ئیداری و وەرپرسەیل لە پارێزگای موسەنا کە کارەیل چزداین و رسواکردن لەبان پەیجەیل کەن، مەفرەزەیل دەزگای ئاسایش نیشتمانی توەنستن ناسنامەی دوو توومەتبار دیاری بکەن، و دەسگیر کریان و ٩ مۆبایل و ٥ لاپتۆپ و چەن موهریگ وەپییان بوی.
وەگورەی بەیاننامەگە، ئەو دوو توومەتبارە ئاشکرا کردن کە زیاتر لە ٢٠٠ هەژمار و پەیج دیرن وە ناوچەیلیگ جیاجیا، ئەرا قسەی بەد و چزداین و رسواکردن وەکاریان تیەرن، تا پویل ودەسیان بکەفێد.