شەفەق نیوز/ سەرچەوەیگ ئەمنی لە دیالە، ئیوارەی ئمڕوو پەنجشەممە، خەوەردا لە خوەیکوشتن گەنجیگ وە سێدارە لە دەوروگەرد ناحیەی مەنەلی، و دەسەڵاتەیل ئەمنی لە پارێزگای زیقار، تەرم گەنجیگ لەبان ئاو چەمیگ لە خوەرهەڵات شار ناسریە پەیا کردن.
سەرچەوەگە ئەرا ئاژانس شەفەق نیوز وت: گەنجیگ لە داڵگبوی ساڵ ٢٠٠٣ خوەی دا سێدارە و لە رەوشەیل نادیاریگ لە ناحیەی مەنەلی خوەی کوشت.
سەرچەوەگە وتیش: دەسەڵاتە ئەمنیەیلە رەسینە شوین رویداوەگە و لێکۆڵینەوە واز کردن، و تەرمەگە ئەرا پزشک دادوەری بردن.
لە زیقار، سەرچەوەیگ ئەمنی ئەرا ئاژانس شەفەق نیوز وت: دەزگا ئەمنییەیلە تەرم گەنجیگ خوەنەوار لە مەکتەو لە تەمەن ١٥ ساڵان لەبان ئاو پڕۆژەی سیفۆنە لەبان چەم فورات لە ناحیەی ئوور پەیا کردن.
سەرچەوەگە دیاری کرد ک گەنجەگە وەرجە دوو مانگ ئاگاداری لە بنکەیل ئەمنی وە بیسەروشۊنیی توومار کریاگە، وتیش هویچ نشانەیگ تاوانی لە تەرمەگە نییە.
وتیش؛ تەرمەگە هەواڵەی پزشک یاسایی کریا.