شەفەق نيوز - نەینەوا 

سەرچەوەیگ ئەمنی لە پارێزگای نەینەوا، ئمڕوو شەممە، خەوەردا کە ژنیگ لەناو ماڵەگەی خوەی لە گەڕەک ئیخا لە شار موسڵ، خوەی وە سێدارە کوشتیە، لە نووترین ئەڵقەی زنجیرەیگ لە خوەیکوشتن کە پارێزگاگە بوی دویاییە وەخوەی دوینێد.

سەرچەوەگە ئەرا ئاژانس شەفەق نیوز وت: ژنیگ لە تەمەن 44 ساڵە، لەناو ماڵەگەی خوەی دانە سێدارە، وەقسەی فەرمانگەی پزشک دادوەری، دیاری کرد کە کەسوکارەیلی وتنە؛ رویداوەگە لە ئەنجام کێشەیل خیزانی بویە.

سەرچەوەگە وتیش: تەرمەگە ئەرا پزشک دادوەری بریا، و لایەنەیل پەیوەندیدار لێکۆڵینەوە لە رویداوەگە واز کردن.

پارێزگای نەینەوا بەرزەوبوین وەرچەویگ لە خوەیکوشتن بوی مانگەیل دویاییە وەخوەی دوینێد، و فرە جار وە مدوو فشار دەروینی یا کێشەیل کۆمەڵایەتی و ئابووری بوون، لە وەختیگ داوای چارەسەری زویوەزوی کریەێد ئەرا سنووردارکردن ئی دیاردەی نیگەرانکەرە.