شەفەق نیوز- بەغداد/ پارێزگایەیل

سەرچەوەیگ ئەمنی، رووژ سێشەممە، خەوەر دا لە خوەیکوشتن موفەوەزیگ سەر وە وەزارەت ناوخۆی عراقی، وە تەقەکردن لە خوەی لەناو ماشینەگەی لە ناحیەی یوسفیە لە باشوور بەغداد.

سەرچەوەگە، ئەرا ئاژانس شەفەق نیوز وت، کە هیزیگ ئەمنی دەور شوین رویداوەگە گرد، و دەس کردە لێکۆڵینەوەیگ ئەرا ئاشکراکردن چوینیەتی رویداوەگە.

لە لاییگ ترەکەو، وەڕیەوبەرایەتی هەواڵگری سەربازی، راگەیان کە 17 داواکریاگ ئەرا دادگا لە شمارەیگ لە پارێزگایەیل دەسگیر کردنە، لەناو ئۆپەراسیۆنەیل جیاواز هەواڵگری.

وەڕیەوبەرایەتییەگە لە بەیاننامەیگ کە رەسیەسە ئاژانس شەفەق نیوز، باسی کرد کە ئۆپەراسیۆنەیل وە پشتبەسین وە زانیارییەیل هەواڵگری هۊرد جیوەجی کریانە، و وە هەماهەنگی وەرد دەزگا ئەمنییەیل ترەک لەناو کەرتەیل ئۆپەراسیۆنەیل، و بەشەیل هەواڵگری و ئەمنی لە فرقە سەربازییەیل (6 و 7 و 8 و 10 و 14 و 16 و 22 و 23) گردەو.

وتیش کە ئۆپەراسیۆنەیل دەسگیرکردنەگە بۊسە مدوو دەسگیرکردن داواکریاگەیل وەپەی مادەیل جیاواز یاسایی لە پارێزگایەیل بەغداد و ئەنبار و کەرکوک و سەڵاحەدین و دیالە و نەینەوا و میسان.

وەڕیەوبەرایەتییەگە دووپات کرد لە رادەسکردن گشت توومەتبارەیل وە لایەنە تایبەتمەنەیل وە شیوەیگ بنەڕەتی، ئەرا تەواوکردن ریکارە یاساییە خوازیاگەیل وەرانوەریان.