شەفەق نيوز- ديالە
سەرچەوەیگ ئەمنی لە دیالە، ئمڕوو چوارشەممە، خەوەردا لە خوەیکوشتن فەرمانبەریگ لە شارەوانی وە گولە لە خوەرھەڵات شار بەعقووبە.
سەرچەوەگە ئەرا ئاژانس شەفەق نیوز وت: فەرمانبەریگ لە وەچاڵناین تەندروسی لە شارەوانی بەعقووبە لەداڵگبوی ساڵ 1979، وە گولەی کلاشینکۆف لە ناوچەی خوالدە سەروە ناحیەی کەنعان خوەرھەڵات شارەگە خوەی کوشت.
وتیش: تەرمەگە ئەرا پزشک دادوەری بریا و لێکولینەوە لە رویداوەگە واز کریا، دیاری کرد کە هیمان مدووەیل خوەیکوشتنی نادیارە.