شەفەق نیوز/ سەرچەوەیگ ئەمنی لە پارێزگای زیقار، ئمڕوو یەکشەممە، خەوەردا ک پارێزگاگە خوەیکوشتن نوویگ لە قەزای دەوایە تۆمار کرد.
سەرچەوەگە ئەرا ئاژانس شەفەق نیوز وت: دوێەتیگ لە تەمەن ١٩ ساڵان وەچەک کلاشینکۆف لەناو ماڵەگەی لە قەزای دەوایە گولە داگە خوەی و خوەیکوشت.
سەرچەوەگە دیاری کرد ک هێزە ئەمنیەکان باوگ دوێەتەگە دەسگیر کردن، وە بڕیار دادوەرەگە وەگورەی فەرمانەیل مادەی ٤٠٥ لە یاسای سزاکان بەندین کریا، لەوەر ساکاڵایگ تۆمار کریاگە گوایە رووداوەگە تاوان کوشتنە نەگ خوەیکوشتن.