شەفەق نیوز/ سەرچەوەیگ ئەمنی، ئمڕوو شەممە، ئاشکرای هویردەکاریەیل رویداو خوەیکوشتن فەرمانبەریگ عراقی لە باڵیۆزخانەی ئەڵمانیا لە بەغداد پایتەخت عراق کرد، کە هاوڕیەیلی ناو (جیڤارا) بڕینەسە باڵای.
سەرچەوەگە ئەرا ئاژانس شەفەق نیوز وت: قوربانیەگە فەرمانبەر پاسەوانی ئەمنی بویە لە باڵیۆزخانەی ئەڵمانیا لە بەغداد، و وە دەوانچەی باڵیۆزخانەگە خوەی کوشتیە، کە دویای وەرگردن ئەرکەگەی لە نۆرەی وەرجە خوەی دەوانچەگە بردیە.
سەرچەوەگە دیاری کرد کە رویداوەگە لەناو کەرەڤان خەفتن لە شان باڵیۆزخانەگە بوی، کە فەرمانبەرەگە وە گولەی دەوانچە خوەی کوشت.
سەرچەوەگە دیاری کرد کە وەرجە سێ رووژ ئاگادار کریاس کە پەنام لەناو سەری هەس، کە تویش زیان دەروینی سەختیگ هات، و داوای چارەسەری لە باڵیۆزخانەگە کرد، وەرجەیەگ خوەی بکوشێد.
دویەشەو جمعەر سەرچەوەیگ ئەمنی خەوەردا کە فەرمانبەریگ عراقی لە کۆمپانیایگ ئەمنی لە لەناو باڵیۆزخانەی ئەڵمانیا لە ناوچەی مەنسور لە بەغداد کار کەێد، خوەی کوشتیە.
سەرچەوەگە دیاری کرد کە قوربانیەگە زیان دەروینی داشتیە، و پسپۆڕ بەڵگەیل تاوانی و پولیس وەلایەن باڵیۆزخانەگە ئەرا لێکۆڵینەوە لە رویداوەگە هاوریاس.