شەفەق نیوز - بەغداد

سەرچەوەیگ ئەمنی، ئمڕوو سێشەممە، خەوەر دا لە وازکردن لێکۆڵینەوەیگ لە رویداو گومانلیکریاگ ئەرا مردن دۊتیگ کە رەگەزنامەی وڵات میانمار هەڵگرێد، دۊای کەفتنی لە قات بەرز لەناو کۆمەڵگەیگ نیشتەجیبوون لە خوەرئاوای بەغدای پایتەخت.

 سەرچەوەگە ئەرا ئاژانس شەفەق نیوز وت، کە "دەسەڵاتەیل ئەمنی ئاگادارکردنیگ وەرگردن کە باس لە وەخوارکەفتن کەفتن دۊتیگ بیگانە لە لەداڵگبوی ساڵ 2007 لە ژووریگ لە قات 14 لەناو یەکیگ لە باڵەخانەیل (کۆمەڵگەی نەنسیم) نیشتەجیبوون کەێد".

 سەرچەوەگە وتیش کە "هێزیگ ئەمنی رەسیە شوین رویداوەگە و پارێزگاری لە دوو کەس کرد کە لەناو ژوورەگە بۊن لە مەوقەی رویداوەگە"، وە دەسنشانکردن ئەوە کە "ئەو دوو کەسە پارێزگاریکریاگە لە لێدوانە سەرەتاییەیلیان قسەی ئەوە کردن کە دۊتەگە لەڕی بازدان و کەفتنی لە باڵەخانەگە خوەی کوشتگە".

سەرچەوەگە دووپات کرد لە " لێکۆڵینەوەیگ فراوان و داواکردن شارەزای بەڵگەنامە تاوانەیل واز کریا ئەرا بردن تەرمەگە ئەرا پزیشک دادوەری، ئەرا زانین وردەکارییەیل رویداوەگە و دیاریکردن ئەوەگ ئایا گومان تاوانی هەس یا نە".