دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو چوارشەممە، رووشنە وەگەرد لەکە ئەوریگ و پلەی گەرمی کەمیگ لە رووژ وەرجە خوەی بەرزترەو بوود.
وتیش: رووژ پەنجشەممە، رووشنە وەگەرد لەکە ئەوریگ لە گشت ناوچەیل وڵاتەگە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە ناوچەی باکوور کەمیگ بەرزەو بوود.
دیاری کرد ک کەشوهەوای رووژ جمعە، رووشنە تا نیمچە ئەوریگ لە ناوچەی ناوڕاس، و ناوچەی باکوور نیمچە ئەورە و جاروباریش ئەور تەواوە، و پلەی گەرمی لە گشت وڵاتەگە چەن پلەیگ بەرزەو بوود.
بەیاننامەگە وتیش: کەشوهەوای رووژ شەممەی ئایندە، لە ناوچەی ناوڕاس نیمچە ئەورە جاروباریش ئەور تەواوە، و لە ناوچەی باکوور نیمچە ئەورە و جاروباریش ئەور و واران سووک وارێد لە بەشەیل کویە، و لە ناوچەی باشوور نیمچە ئەور، و پلەی گەرمی لە گشت وڵاتەگە چەن پلەیگ بەرزەو بوود.