شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە لەی هەفتە بڵاو کرد، و باس هەڵسان خوەڵوتووز و بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممڵ، لە گشت ناوچەیل وڵاتەگە رووشنە، و گورجی وا خوەڵوتووز هەڵسنێد، و پلەی گەرمی نزیک رووژ وەرجە خوەیە.
وتیش: رووژ چوارشەممە، لە گشت ناوچەیل وڵاتەگە رووشنە، و جویلەی وا وە رووژ گورجە و خوەڵوتووز لە ناوچەی باشوور هەڵسنێد، و پلەی گەرمی نزیک رووژ وەرجە خوەیە.
دەسەگە وتیش: رووژ پەنجشەممە، ئاسمان رووشنە، و جویلەی وا وە رووژ گورجە و خوەڵوتووز لە ناوچەی باشوور هەڵسنێد، و پلەی گەرمی کەمیگ لە رووژ وەرجە خوەی بەرزترەو بوود.
دەسەگە وتیش: کەشوهەوای رووژ جمعەی ئایندە رووشنە، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور و باشوور کەمیگ بەرزەو بوود.