شەفەق نیوز/ شارەزاییگ کەشناسی، ئمڕوو پەنجشەممە، راگەیان لە رووژ یەکشەممەی ئایندە شەپوولیگ خوەڵ و تووز هەرێم کوردستان گرێدەو ک خەسیەگەی فرەس و مەوداگەی  فراوانتر بوود لەشەپوولەگەی وەرین. 

ئاراز جەبار، شارەزای کەشناسی راگەیانیە،" لە رووژ شەممە یەکجارتر ناوچەیلمان کەفنە وەر کاریگەری نزمە پاڵەپەستۆی  جەمسەری هونکیگ و لە ئەنجام پلەیل گەرما  5 تا 6 پلە داوەزێد.

دیاریکرد،" تونی واگە وەشیوەی وەرچەویگ گورج بوود ک یەیش بوودە هووکار بەرزەوبوین خوەڵ و تووز فرەیگ لە خاکەیل هشک و بیاوانەیل ناوچەیل سوریا و خوەرئاوای عراق و لە شەو یەکشەممە لەبان دوشەممە کاریگەری ئێ شەپۆلە خوەڵە وە ڕێژەی مامناوەندیگ  ھەرێم کوردستان گرێدەو"، وتیش "لە دویای نیمەڕو دوشەممە کاریگەری خوەڵوارینەگە زیاترەو بوود سەرجەم ناوچەیلە کەفنە وەر کاریگەری بارستەی خەسیگ خوەڵ و تووز". 

لەهەمان وەخت دەسەی کەشناسی عراق راگەیانیە، لە رووژ شەممە شەپوولیگ خوەڵ و تووز سەرجەم پارێزگایەیل عراق گرێدەو و ماوەی چەن رووژیگ وەردەوام بوود.