شەفەق نیوز/ خوەینشاندەرەیل مەیدان تەحریر، ئمڕوو شەممە، توەنستن ئەو دەروازەی ئاسنە لاوەن ک فەرماندەیی ئۆپراسیۆنەیل بەغداد دانادەی سەر پیەڵ جمهوریە جویر یەکەم تەیمانە ک نوایان لەناوچەی خەزرا بگرێد.
پەیامنێر ئاژانس شەفەق نيوز وت: خوەینشاندەرەیل ستوینەیل ئاسن دەروازەگە خستنە چەم دیجلە، و دیاری کرد ک دویای ئی گالە لە یەکەم کڕ نواگیری لە پیەڵ جمهوریە رەد کردن، و ئامادەی خوەیان کەن تا لەو کڕەیلیش وەرەو ناوچەی خەزرا رەد بوون.
پارچە ڤیدیۆیگ ک کەفتنە دەس ئاژانس شەفەق نیوز، نشان داوەزانن ئەو تەیمانەی ئاسنە دەن و چوین پارچەیلیگ لەلی خەنە چەم دیجلە، و خوەینشادەرەیل روی وەرەو ئەو تەیمانەیلە کەن ک پارچەی کۆنکرێتە، و بەشیگیان سەنگ ئەرا هیزەیل ئەمنی وەشنێد.
لەلای خوەییش، سەرچەوەیگ ئەمنی ئەرا ئاژانس شەفەق نیوز وت: هیزەیل مقیەتیکردن یاسا لە یەکەم تەیمانەی پیەڵ جمهوریە خوەیان کیشانەو، و رەسینە ناوڕاس پیەڵەگە، و ناڕەزایل هیمان هانە لای کۆنکرێت ئەو تەیمانە.