شەفەق نیوز ـ بەغداد
وەزارەت خوەنستن باڵا و لێکۆڵینەوەی زانستی عراق، فەرمانیگ وە پلە دەرکرد ئەرا قەیەغەکردن وەکارهاوردن زوان کوردی لە وانە وتن و دانان پرسیارەیل ناو زانکۆ و کۆلێژەیل لە شمارەیگ پارێزگای عراق، دووپاتکرد لەبان تەنیا پابەند بوون وە زوان عەرەبی لە پرۆسەی فێرکردن.
لە نویسریاییگ فەرمی کە رەسیە ئاژانس شەفەق نیوز هاتیە، فەرمانگەی خوەنین و پلاندانان و چەودێری ـ بەش خوەنین و پلاندانان، بڕیارەگە لە شمارەی (د.د/4/14/3963) و لە بڕوار 15 ئاب 2025 دەرچگە لەناوی هاتیە وڵزیر لە بروار 3 حوزەیران 2025 رەزامەنی دا لەبان راسپاردەیل لیژنەی گیچەڵەیل لە دەسەی راوەرگردن وە فەرمان وەزاری شمارە (14994) بروار 14 ئەیلول 2023.
دووپاتکرد، راسپاردەیل پشت بەسێد لەبان وانەوتن ناو هۆڵەیل خوەنین کە تەنیا وە زوان عەرەبی بوود، وەبی پشت بەسان وە زوان کوردی یا هەر زوان ترەک، دووپاتکرد لەبان ئەوەگ بایەت پرسیار تاقیکردنەوەیل لە گشت زانکۆیەیل وە زوان عەرەبی بوود، وە رەچاوکردن ئەوەگ زوان کوردی لە زوانە فەرمەیل نییە کە لە خوەنین تاقیکردنەوەیل زانکۆیەیل عراق پشە وەپی بەسرێد.
وە زارەتەگە دووپاتکرد، سەرپیچیکەرەر رینمایەیل رویوەروی لایەن پەیوەنیدار بوود وە دۆسیەی یاسایی.
رێنمایەیگە گشت دامودەزگایەیل فێرکردن حکومی و تایبەتەیل گرێدەو، لە نەینەوا و کەرکوک و دیالە و دووپاتکرد لەبان پابەندبوین تەواو وە ناوڕۆک و کارکردن وەپای ئەوەگ هاتیە.
رێنمایەگە وەلایەن وەکیل وەزیر خوەنین باڵا و کاروبار لێکۆڵینەوەی زانستی حەیدەر عەبدولزەهد واژوو کریاس، لەری ئیمەیلەو وەشیوەی "وەپەلە" ئەرا گشت سەرۆکایەیەتیەیل زانکۆ و راگرایەتی کۆلێژەیل ئەو پارێزگایەیلە کلکریاس.