شەفەق نیوز/ دەیان کەس لە نەجەف، ئمڕوو دووشەممە، خوەنیشاندان ئەنجامدان لەوەر رمانن یەکیگ لە پێەڵیل باشوور خوەرئاوای ناوەن پارێزگاگە.
پەیامنێر ئاژانس شەفەق نیوز راگەیان، دەیان دانشتگ ناوچەی "مەجاتیم"وو لە ناحیەی حوریە، ئمڕوو، خوەنیشاندانیگ رێکخسن دژ وە رمانن پیەڵ ناوچەیان کە بەسێدیانەو وە ناحیەی عەباسیە و نزیکە لە پارێزگای دیوانییە باشوور خوەرئاوای نەجەف.
پەیامنێرمان وتیش، خوەنیشاندەرەیل داوا لە حکومەت جیوەجیکار کردنە دەستێوەردان بکەن و لێکۆڵینەوە لە رویداو رمانن پێەڵەگە وەبان دەس وەڕێوەبەر ناحیەی حوریە لە پارێزگای نەجەف وازبکەن، ئەرا لانە پەیوەنیدارەیل کلبکرێد وەگەرد دوارە بیناکردن پێەڵەگە.