شەفەق نيوز/ ئەو خوەر سویەر دووزەخیە، هویچ هچانیگ نەیاسە کراکار و کووڵکیشەیل و دەسەفرووشەیل ناو جادەیل بەغداد، کە وە ناکاوەو سەر گەرمی لەلییان دەرکرد، کە رەسیە نزیک 50 پلەی سەدی.  

کامیرای ئاژانس شەفەق نیوز، کاروبار و مەینەتی کووڵکیشەیل توومار کرد، هەناێ بار گرنە کووڵەو، یا وەناو هەرەوانە کیشن، هەمیش مەینەت دەسەفرووشەیل کە وەی گەرمە لەناو جادە گەردن، هەمیش مەینەت مەردمەیل ناو بازاڕەیل بەغداد، کە تام ئاگر لە لەشیان کەن، وەلێ دیارە بەشە گەورەگە بویەسە دوو بار ئەرا کووڵکیشەیل، یەکەمیان لەبان شانیان، ئەوەکەیش سزیان لەشیان وەخوەرە.

  هەرچەن وەناکاوەو گەرمی بەرزەو بوی، وەلێ دەسەی کەشناسی عراق، ئمڕوو شەممە، راگەیان کە مەزەنەی بانوخوارکردن پلەی گەرمی لەماوەی دویاترین هەفتە لە مانگ ئایار و سەرتای مانگ حوزەیران کەێد.

دەسەگە لە راپۆرتیگ رەسیە ئاژانس شەفەق نیوز وت: نەخشەیل کەشوهەوا نشان داوەزیان پلەی گەرمی لە رووژەیل یەکشەممە و دووشەممە و سێشەممە دەن، وەگەرد کاریگەری فرەتر لە شارەیل ناوڕاس و باکوور وڵات، و مەزەنە کریەێد لە رووژ چوارشەممەو دووارەی کەمکەم پلەی گەرمی بەرزەو بوود، وەگەرد وەدویرزانستن شەپوول گەرمی سەختیگ یا پلەی گەرمی ئەویان 50 پلەی سەدی لەی ماوەی نزیکە.