شەفەق نیوز/ خەسەخانەی مناڵەیل کازمیە لە بەغداد، ئمڕوو شەممە، راگەیان توومارکردن خنکیان چەن مناڵیگ لەوەر ئەو خوەڵوتووزە ک لە دۊەکەو بەغداد پایتەخت وەخوەی دۊنێد.   

فریاکەفتن خەسخانەی مناڵەیل کازمیە سەروە فەرمناگەی تەندروسی بەغداد کەرخ، لە بەیاننامیگ رەسیە ئاژانس شەفەق نیوز وت: ٨ تۊشبۊ خنکیان لەوەر ئەوە خوەڵوتووزە وەرگرد، و ئاشکرا کرد ک گشتیان چارەسەر کریان.  

خەسەخانەگە دیاری کرد ک ئامادەکاری ئەرا وەرز خوەڵوتووز کردگە، ک دەزگای فریاکەفتن قاوشیگ ئەرا ئی کارە ئامادە کرد، وەگەرد ئامادەکردن بوتڵەیل ئۆکسجین و خوازینەیل پزشکی وەگەرد کادرەیل پزشکی.  

لە دۊشەوەو، بەغداد پایتەخت و چەن پارێزگایگ لە وڵاتەگە، کەفتیەسە وەر خوەڵوتووز خەسیگ، ک لە بەشیگ لە ناوچەیلە نوورستن نەیشتیە.