شەفەق نیوز/ سیستەم وەرگری لە سەربازگەی عەینل ئەسەد خوەرئاوای عراق ک هیزەیلیگ لە هاوپەیمان ناودەوڵەتی ها ناوی، وەرجە نیمەڕو ئمڕوو یەکشەممە، فڕۆکەیگ بیفڕۆکەوان خستە خوار.
ئاژانس رۆیتەرز لە زوان سەرچەوەیلیگ سەربازی عراقی وت: دیار نییە ئەگەر ئەو فڕۆکە ئەرا رەوانگەکردن هاتیە یا تەقەمەنی هەڵگردیە.
وتیش: خەوەریگ لە زەرد یا قوربانی نەڕەسیە.
فرەجار سەربازگەی عین الاسد کەفێدە وەر پەلامار مووشەک یا فڕۆکەیل بیفڕۆکەوان.
وەگەرد کۆتایی ساڵ 2021، عراق و فەرمی راگەیان هیزەیلیگ جەنگاوەری بیگانە لە وڵاتەگە نەمەنیە، و ئەرک هاوپەیمان ناودەوڵەتی نوو تەنیا راویژکاری و ڕاهێنانە.
هیمان 2500 سەرباز ئەمریکی و هەزار سەرباز لە هاوپەیمان خانە سێ سەربازگەی عراقی.