شەفەق نیوز/ دەیان لە خاوەن نانەواخانەیلەی (سەمون)، شەوەکی ئمڕوو پەنجشەممە،  ناڕەزایی لە وەردەم بینای حکومەت خۆجێیی پارێزگای هەولێر پایتەخت هەرێم کوردستان کردن.  

سەتار عەبدوڵڵا قسەکەر وەناو ناڕەزایلە لە کۆنگرەیگ رۆژنامەوانی وت: دۊیای بەرزەوبۊن نرخ ئارد و سوتەمەنی و کارەبا و باجەیل، دی توانای فرووشتن نان و سەمون وەخود کیش وشمارە و نرخەگەی جارانی نەما، وتیش: بایەتە کیش نانەگە یا شمارەگەی  وەرانوەر نرخەگەی جاران کەمەو بکەیمن. 

وتیش: حکومەت خۆجێیی پەیمان دا لە یەک  ئەیلوول ئارد و گاز وەپیمان بەێد تا کیش و شمارەی نانەیلە کەمەو نەکیمن، وەلی پەیمانگەی وەجی ناورد، وتیش: کارەگە لەسای ئەو زەرەدەیل داراییە وەپیمان نێکریەێد.