شه‌فه‌ق نيوز/ وه‌رپرسيگ ناوچه‌يى له دياله، ئاشكراى ئه‌وه كرد قه‌زاى خانه‌قين و هه‌ردوگ ناحيه‌يل مه‌رزێ مه‌نه‌لى و قه‌زانيه وه‌ل ئيران كه‌فتنه‌سه بان هێڵ زه‌ويه‌له‌رزه‌يل، يه‌يش وه‌گووره وشداريه‌يليگ له زه‌ويه‌له‌رزه‌يل وه‌رده‌وام يه‌ك له‌شوون يه‌ك.
له‌ى باوه‌ته‌و، مازن خوزاعى وه‌ڕه‌ويه‌وبه‌ر ناحيه‌ى قه‌زانيه ئه‌را ئاژانس شه‌فه‌ق نيوز وت: ده‌سه‌ى چه‌وديرى زه‌ويه‌له‌رزه ئاگادارى داگه له جموجويل هێڵ زه‌ويه‌له‌ره ئه‌را ناوچه‌يل مه‌رزێ له‌ناونى دياله‌و ئيران"خانه‌قين ومه‌نه‌لى وقه‌زانيه"و جه‌ختيش له كه‌فتنه‌وه‌ى زه‌ويه‌له‌رزه‌ى ئرتدادى وه‌رده‌وام كردگه له ماوه‌يل وه‌رين.
جى باسه، خوزاعى يه‌يش ده‌رخست ك ناوچه‌يل خانه‌قين و مه‌نه‌لى و ده‌ورگرد قه‌زانيه تويش زه‌ويه‌له‌رزه‌ى ئرتدادى سووك و نيمچه گه‌ورا هاتنه له ماوه‌ى گوزه‌يشت وه‌بوونه‌ى جموجويل هێڵ زه‌ويه‌له‌رزه‌يى وه‌ره‌و خوه‌رهه‌ڵات باقووبه.