شەفەق نیوز - بەسرە

نرخەیل نەفت عراقی داوەزیان فرەیگ توومار کرد لە ماملەیل، ئمڕوو چوارشەممە، وەرد داوەزیان خام بەسرەی سەنگین ئەرا 45.64 دۆلار ئەرا بەرمیلیگ، لە وەختیگ خام بەسرەی ناوڕاس داوەزی ئەرا 49.64 دۆلار.

نرخ خام بەسرەی سەنگین وە بڕ 5.97 دۆلار داوەزی، کە یەکسانە وە 11.57%، لە وەختیگ خام بەسرەی ناوڕاس وە هەمان بڕ داوەزی وە رێژەی 10.74%.

لە بازاڕەیل جیهانی، خام خوەرئاویا تێکساس ناوڕاس ئەمریکی بەرزەو بوی ئەرا 86.64 دۆلار ئەرا بەرمیلیگ، وە زیایبوین 60 سەنت یا 0.70%، لە وەختیگ خام برێنت بەرزەو بوی ئەرا 92.53 دۆلار، وە بەرزەوبوین وە بڕ 1.04 دۆلار یا 1.14%.

لە وەرانوەر،  خامەیل ئۆپیک داوەزی ئەرا 91.99 دۆلار ئەرا بەرمیلیگ، وە داوەزیان 1.22 دۆلار، یا یەکسان وە 1.31%.

ئی جویلەیلە لە ناوەڕاس جیاوازی لە  نیشاندەرەیل نەفت جیهانی و خامەیل ناوچەیی تێد، وەرد وەردەوامی ئەلگەردان و ئاڵشتکاری لە بازاڕەیل وزە.