شەفەق نیوز - بەسڕە

هەردوگ خام بەسڕەی قورس و ناوڕاس  لە کۆتایی هەفتەگە وە زەرەردیگ کەمەو بەسان، وەگەرد بەرزەوبوین نرخەیلیان لە دانیشتن کۆتایی، هاووەخت وەگەرد بەرزەوبوین نرخەیل نەفت لە بازاڕەیل جەهان.

خام بەسڕەی قورس لە کۆتا دانیشتن  وە بڕ 1.09 دۆلار ئەرا هەر بەرمیلیگ بەرزەو بوی، وە رێژەی 1.49%، تا لە 74.12 دۆلار ئەرا هەر بەرمیلیگ، باوجی زەرەردیگ هەفتانە توومار کرد ک ڕەسیە 0.10 دۆلار، بەراورد وە 0.13%، و بەراورد وە نرخەکەی لە سەرەتای هەفتە کە 74.22 دۆلار ئەرا هەر بەرمیلیگ بوی.

همیش خام بەسڕەی ناوڕاس وە بڕ 1.09 دۆلار ئەرا هەر بەرمیلیگ بەرزەو بوی، وە رێژەی 1.42%، تا لە 78.10 دۆلار ئەرا هەر بەرمیلیگ رەسی، باوجی زەرەردیگ هەفتانە توومار کرد ک رەسیە 0.12 دۆلار، یا  0.13%، بەراورد وە نرخەگەی لە سەرەتای هەفتەگە 78.22 دۆلار ئەرا هەر بەرمیلیگ بوی.

لە ئاست بازاڕەیل جەهان، گرێبەستەیل ئایندەی خام خوەرئاوای تێکساس رەسیە ئەرا 104.07 دۆلار ئەرا هەر بەرمیلیگ بەرزەو بوی، وە زیایبوونیگ وە بڕ 2.02 دۆلار، یان وە رێژەی 1.98%.

 گرێبەستەیل ئایندەی خام برێنت  117.41 دۆلار ئەرا هەر بەرمیلیگ بەرزەو بوی، کە وە بڕ 2.53 دۆلار بەرزەو بوی یا رێژەی 2.20%.