شەفەق نیوز/ خیزانیگ لە داڵگ وباوگ وکوڕ ودویەت، کاریگ وە جەژن نەیرن، چوینکە کەفتنەسە هووڵ تیکە نانیگ، لەسای پیەڵیگ لە بەغداد پایتەخت.  

ئی خیزانە، سای پیەڵ محمد قاسم لە بەغداد بویەسە ماڵی، کەفتیەسە نەداری سەختیگ، ک یە شانزە ساڵە، زیان لە ژیانی دوینێد.  

گەرمی تاوسان وسەردی زمسان، و مار وکوڵەنجی، و شەوانەیش کەفنە وەر چز سەرخوەشە وەرەلایل، لەبان ئەوەیش باوگەگە بیمارە، وداڵگەگەیش گڵوڵەس، ک داڵگەگە پای هیز نیەگرێد، و ئەرمس چەوەیلی گرێد، وداوا لە حکومەت کەێد بنووڕێدە پیان. 

ئی خیزانە دویەتیگ وەناو زەینەب لە تەمەن دوانزە ساڵان دیرێد، ک زەینەبیش وە لیڵاو بان چەوی، ئویشێد؛ هویچیگ هەکاتی دویەتەیل مەردم نەیرم.