شه‌فه‌ق نيوز/ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل عراقى، وت: سه‌رۆكايه‌تى ئه‌نجومه‌نه‌گه تائيسه واده‌يگ ئه‌را دانيشتن نائاسايى ديارى نه‌كردگه.
حه‌لبوسى له به‌ياننامه‌يگ ئه‌را شه‌فه‌ق نيوز وت: نه‌بايه‌د واده‌ى دانييشتن نائاسايى ديارى بكريه‌ێد وه‌رجه ره‌سين به‌رنامه وه‌زاريه‌گه‌و ناو وه‌زيره‌يل، ك تائيسه‌يش ئه‌و به‌رنامه‌ى وه‌زارى و ناو وه‌زيره‌يله نه‌ڕه‌سيه‌سه ئه‌نجومه‌ن نوێنه‌ره‌يل.
حه‌لبوسى هه‌ميش وت: له حاڵه‌تيگ ئه‌گه‌ر به‌رنامه وه‌زاريه‌گه‌و ناو وه‌زيره‌يل ره‌سيه ئه‌نجومه‌ن نوێنه‌ره‌يل، ئه‌و وه‌خته سه‌رۆكايه‌تى په‌رله‌مان ده‌س ئه‌كاده ته‌واوكردن رێ وشوون ئه‌را سازكردن دانيشتن نائاسايى