شه‌فه‌ق نيوز/ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل عراقى، پيشوازى كرد له‌ مه‌سرور بارزانى سه‌رۆك حكومه‌ت هه‌رێم كوردستان و شاند ياوه‌رێ.

له‌ سه‌ره‌تاى دانيشتنه‌گه‌ حه‌لبوسى پيرووزبايى له‌ بارزانى كرد وه‌بوونه‌ى دامه‌زرانن حكومه‌ت هه‌رێم و ئوميد ئه‌وه‌ خواست قدوم ئى حكومه‌ته‌ وه‌رده‌وام بدێ ئه‌را خزمه‌ت عراق يه‌كگرتگ و وتار هاوسه‌نگ و شه‌فاف ئه‌را چاره‌سه‌ر گشت كيشه‌يل ناونى هه‌رێم و حكومه‌ت ناوه‌ند داشتوود.

حه‌لبوسى هه‌ميش وت: نيازپاكييگ له‌ ئه‌نجومه‌ن نوێنه‌ره‌يل هه‌س له‌وه‌ر داناين چاره‌سه‌ر ئه‌را گشت ناكوكيه‌يل ناونى هه‌ولێر و به‌غدا و ئه‌نجومه‌نه‌گه‌ په‌رده‌يگ سياسى و ته‌شريعى ئه‌راى دابين ئه‌كا وه‌گووره‌ى ده‌ستوور عراقى و جه‌ختيش له‌ پشتگيرى خوه‌ى كرد ئه‌را نزيكه‌وكردن هوير و ڕا و چاره‌سه‌ركردن گشت ناكوكيه‌يل وه‌و جووره‌گ خزمه‌ت وه‌ به‌رژه‌وه‌ندى باڵاى عراق بكا.