شه‌فه‌ق نيوز/ ده‌سه‌ى حه‌شد شه‌عبى وه‌رپرسيارێتى خوه‌ى له هاورده‌كردن غاز ئه‌سرڕشن ك هيزه‌يل ئه‌منى ئه‌يه‌رنه‌ى كار ئه‌را چويچانن خوه‌ينيشانده‌ره‌يل خسته دروو.
له‌ى باوه‌ته‌و، ده‌سه‌ى حه‌شد له به‌ياننامه‌يگ وت: بڕيگ له هووكاره‌يل په‌يوه‌ندى كۆمه‌ڵايه‌تى دژايه‌تيكه‌ر باس له به‌ڵگه‌يگ ساخته كردنه له‌باره‌ى ئه‌وه‌گ حه‌شد شه‌عبى بۆمب ئه‌سرڕشن هاورده كردگه، ك بيجگه نادروسى ئى به‌ڵگه‌و نه‌وين هويچ مووريگ يا ناو وه‌رپرسيگ له حه‌شد يا هه‌ر ئسپاتيگ تر فه‌رمى جوور ئه‌وه‌گ له كتاوه‌يل فه‌رمى باس ئه‌كريه‌ێد له ده‌سه‌ى حه‌شد شه‌عبى، ئيمه باوه‌ڕمان ئه‌وه‌سه ئى به‌ڵگه هه‌ڵمه‌تيگ تر شكاننه‌وه‌س ك ده‌زگايه‌يل ناوده‌وڵه‌تى ئه‌گرنه‌ى خوه‌يان له‌باره‌ى عراق و له‌كه‌داركردن ناو حه‌شد وه‌تايبه‌ت له‌وه‌خت خوه‌ينيشانداينه‌يل ك وه‌ده‌نگ ملله‌ت دژ زوڵم و گه‌نده‌ڵى ده‌س وه‌پيكردگه.
جى باسه، به‌ياننامه‌گه هه‌ميش وت: جار له‌يوا هه‌س دوژمن ئه‌را حه‌شد په‌يا ئه‌كريه‌ێد و وێنه‌ى ساخته‌و ناسنامه‌ى نادروس دانريه‌ێد و ئويشن ئه‌يه له‌شوونه‌يل خوه‌ينيشانداين دوينرياسه‌و و جارجاريش ئويشن هيزه‌يل دژه بشيوى پيكهاتنه له حه‌شد و ته‌نانه‌ت كار رسيه‌سه ئه‌وه‌گ وێنه‌ى كوشياگه بڵاوه‌و ئه‌كه‌ن ك وه قه‌ناس كوشيانه و ئويشتن ئه‌و قه‌ناسه‌يله ك ته‌قه له خوه‌ينيشانده‌ره‌يل كردنه، له‌وه‌ختيگ ك ئه‌و قه‌ناس وه‌ده‌سه‌يله له جه‌نگ موسڵ دژ وه داعش بوينه.