شه‌فه‌ق نيوز/ سامى به‌كده‌ش وه‌رپرس فه‌رمانده‌يى ليواى 30 له حه‌شد شه‌عبى، ئاشكراى لاوردن 2700 لوغم و مين كرد له نزيك هه‌رێم كوردستان و هامارى نه‌ينه‌وا.
له‌ى باوه‌ته‌و، ماڵپه‌ڕ فه‌رمى حه‌سد له زووان به‌كده‌ش وت: هه‌وڵ ئه‌ندازيارى له ليواى 30 حه‌شد شه‌عبى تويه‌نستگه 24 هه‌زار لوغم لاوه‌ێد ك ريكخرياگ تيرۆريستى داعش دايانناوێد له ناوچه‌يل هامارى نه‌ينه‌وا له نزيك هه‌رێم كوردستان.
ماڵه‌په‌ڕه‌گه هه‌ميش وت: هيزه‌يل حه‌شد شه‌عبى وه‌رجه چه‌ن رووژيگيش 2700 مين له‌چاڵنرياێ لاوردگه‌و ئاماژه‌يش وه ئه‌وه كرد حه‌شد شه‌عبى زياتر له 2700 كيلۆمه‌تر چوارگووشه گرته‌سه خوه‌ى له پيه‌ڵ گوێر تاڕه‌سيده ناوچه‌ى قوبه‌و شێخان.