شه‌فه‌ق نيوز/ وه‌زاره‌ت پلاندانان عراق ئاشكراى ره‌زامه‌نى ئه‌نجومه‌ن وه‌زيره‌يل كرد له‌بان پرووژه‌ ياساى هه‌مواركردنه‌وه‌ى يه‌كه‌م ياساى سه‌رشمارى گشتى مه‌ردمى و ماڵه‌يل شماره‌(40)ساڵ 2008، ك وه‌زاره‌ته‌گه‌ خوازياريه‌.

له‌و باوه‌ته‌و، عه‌بدولزه‌هره‌ هنداوى قسه‌كه‌ر فه‌رمى وه‌زاره‌ت پلاندانان، وت: هه‌مواركردنه‌وه‌ى يه‌كه‌م ياساى سه‌رشمارى وه‌ ئامانج دابينكردن كه‌شيگ گونجياگه‌ ئه‌را جيوه‌جيكردن پرووژه‌ى سه‌رشمارى گشتى مه‌ردمى و ماڵه‌يل له‌ ساڵ ئاينده‌ و ئاماژه‌ وه‌يه‌يش كرد ئه‌نجومه‌ن وه‌زيره‌يل بريار جيايى وه‌زاره‌ته‌گه‌ داگه‌ له‌ رينمايى جيوه‌جيكردن ريككه‌فتنه‌يل حكومى شماره‌(3)ى ساڵ 2014 و رێ وشوونه‌يلى له‌و باوه‌ره‌وه‌.

هنداوى هه‌ميش وت: ئى بڕياره‌ له‌وه‌ر توانايى ده‌زگاى ناوه‌ندى ئه‌را ئامار هاتگه‌ له‌ سه‌ندن هه‌وه‌جه‌يل سه‌رشمارى گشتى مه‌ردمى و ماڵه‌يل وه‌ ئامانج دويرخستنه‌وه‌ى گشت كيشه‌يليگ و زه‌مانه‌ت جيوه‌جيكردن پرووژه‌گه‌ وه‌گووره‌ى ئه‌و وه‌خته‌يله‌ ك ئه‌راى ديارى كرياگه‌.