شه‌فه‌ق نيوز/ حزب و فراكسيۆنه‌يليگ سياسى عراقى، له دانيشتنيگ ريككه‌فتن له‌بان جيوه‌جيكردن چه‌ن بريار و رێ وشوونه‌يليگ له روێ وه‌ڕوێ بوينه‌وه‌ى ئه‌و خوه‌ينيشانداينه‌يل وه‌رده‌وامه ك ده‌سوه‌پيكردگه له يه‌ك ئوكتۆبه‌ر و له‌تى داواى ده‌سله‌كاركيشانه‌وه‌ى حكومه‌ت ئه‌كريه‌ێد.
له به‌ڵگه‌يگ ك 12 قه‌واره‌ى سياسى له‌تى ئمزا كردنه، قه‌وڵداينه ئه‌را هه‌مواركردنه‌وه‌ى ياساى هه‌ڵوژاردنه‌يل له‌وه‌ر دابينكردن ده‌رفه‌ت ئه‌را سه‌ركه‌فتن كانديده‌يل سه‌روه‌خوه‌ى و دامه‌زرانن كۆمسيۆن تازه‌ى هه‌ڵوژاردنه‌يل و ئه‌نجامداين هه‌موار وه‌زارى فراوانيگ و دياريكردن ئه‌و لايه‌نه‌يله ك ده‌س داشتنه له رفانن خوه‌ينيشانده‌ره‌يل و ده‌رخستن ئه‌وانه‌گ وه قه‌ناس ته‌قه له خوه‌ينيشانده‌ره‌يل كردنه‌و ئه‌وانه‌گ هووكاره‌يل ره‌سانن كردنه‌سه ئامانج.
جى باسه، ئه‌و فراكسيۆنه‌يل سياسيه ماوه‌ى 45 رووژ موڵه‌ت دانه‌سه حكومه‌ت و په‌رله‌مان ئه‌را جيوه‌جيكردن ئه‌و خاسسازيه‌يله ك له به‌ڵگه‌گه هاتگه، يه‌يش له‌وه‌ختيگ ئمزاكه‌ره‌يل له‌بان ئه‌و به‌ڵگه له زوورم ره‌وته‌يل سه‌ره‌كى به‌شداره له حكومه‌ت و په‌رله‌مان له ساڵ 2003 تائيسه‌و له‌ناونيشانيش هاوپه‌يمانى فه‌تح وه سه‌رۆكايه‌تى هادى عامرى و هاوپه‌يمانى ده‌وڵه‌ت ياسا وه سه‌رۆكايه‌تى نورى مالكى.