شەفەق نیوز/ حەمید غزی ئەمیندار گشتی ئەنجومەن وەزیران، ئمڕوو پەنجشەممە، باس لە نیاز حکومەت فیدڕاڵی کرد لە پێشنیار راسەوکردن یاسای خانەنشینی، وداناین هاندەرەیلیگ ئەرا خانەنشینکردن فەرمانبەرەیل و کارمەنەیل کەرت گشتی.
ئەوەیش لە چەوپیکەفتنیگی ئمڕوو وەگەرد ماجدە تمیمی ئەندام دەسەی دارایی لە لایەن هاوپەیمان سائیروون، لە بارەگای ئەمیندارێتی گشتی ئەنجومەن وەزیران.
هەردوگلاگە باس لە راسەوکردن یاسای خانەنشینی ژمارەی ٢٦ ئەرا ساڵ ٢٠١٩ کردن و بۆچونەوەگانی، وهەمیش باس لە لایەنە داراییەگەی ئی پێشنیارە کریا.
لەلای خوەییش غزی ئاماژە کرد لە توانای چارەسەركردن بەشیگ لە کیچەڵەگان ک وە هووکاری یاسای خانەنشینەی بوین، وە بڕیارەیلیگ لە حکومەتەگە، وهەمیش مادەیلیگ تر ک شایەت هاندەر بوون ئەرا خانەنشینکردن زوینە.
تمیمی لە بەیاننامەیگ لە نووسینگەی راگەیاننی دووپاتکرد لە گرنگی دیاریکردن دیداریگ تر ئەرا یەکێتی بۆچونەگان تا بڕەسیەێدە شیوەی قەبوڵکریاگیگ لەلایەن دەسەڵات یاسای و جیوەجیکەر و رەوشەیل وڵاتەگە بخرێەنە وەرچەو.