شەفەق نیوز - کەرکوک

سەرۆک هاوپەیمانی هێزەیل دەوڵەت نیشتمانی، عەممار حەکیم، ئمڕوو چوارشەممە، راگەیان کە بودجەی سال 2027 بڕیارە بڕیگ پویل وە بڕ پەنج تریلیۆن دینار ئەرا ئەوزەڵداین هەرێمەیل لە عراق  بگرێدە خوەی.

حەکیم لە کۆنگرەیگ رووژنامەوانی کە دویای دیدارەگەی وەگەرد حکومەت ناوخوەیی لە پارێزگای کەرکوک بەسیا، وت:  ئی بڕ پویلە پڕۆژەیل جویلنێد و تەقەلای ئاوەدانکردنەوە وەردەوام کەێد، و وە تەواوی تەقەلایەیل ک ئەرا پاراستن سەقامگیری لە عراق و ئەوانەگ وەدەس هاتیە لە دەسکەفتەیل ئابووری و کۆمەڵایەتی و سیاسی بەرز نرخان، وەگەرد ئەو گامەیلە  بناغە دانان ئەرا چارەسەرکردن گیچەڵ چەک لە دەیشت چوارچمگ دەوڵەت

دووپاتکرد لە رۆڵ فەرمانگەیل دەوڵەت سیستەم سیاسی پارێزێد و یەکێتی نیشتمانیبوین وەهێز کەێد و تەنیا لەبان خزمەتگوزاریەیل نیەوەسیەێد، و داوا کرد وە  هەسکردن وە ئەوزەڵداین و پێکەوەژیان لە ژیان رووژانەی هاووڵاتییەیل، و دیاریکرد ئەرا حاڵەت جەنگ لە ناوچەگە و زەرەد رەسین وە عراق  وە شێوەیگ راستەوخوەی لەبان ئاست ئابووری.

وتیش؛ حکومەت لە قۆناغ گوزەشتە دۊز  کرد لەبان دانان مووچەیل و شایستەیل جفتکارەیل و بەڵێندەرەیل ئەرا جویڵانن تەقەلای ئابووری و سەرمایەگذاری زەوی و دابینکردن دەرفەت کار و ئاسایش خوەراک و کۆمەڵایەتی و جویڵانن پڕۆژەیل خزمەتگوزاری، و ئومێدەوار بوی وە کۆتاییهاتن قەیران ناوچەگە وە نزیکترین وەخت چوینکە  کاریگەری دێرێد لەبان ئابووری جیهانی، و ئەگەر نزیکەوبوین چارەسەر ئەرا ئی قەیرانە نیشان دا.