شەفەق نیوز/ سەرچەوەیگ لە حەشد شەعبی، ئمڕوو یەکشەممە، خەوەردا ک هێزیگ لە حەشد شەعبی دەسوەسەر سەرکردەی وەرینیگ لە سەڕایای خوراسانی و ژمارەیگ لە هاوڕێەگانی لە بەغداد پایتەخت کرد.
سەرچەوەگە ئەرا ئاژانس شەفەق نیوز وت: هێزیگ لە ئەمن حەشد شەعبی،دوێەشەو، دەسوەسەر حامید جەزائیری سەرکردەی وەرین لە سەڕایای خوراسانی کردن، وەگەرد ژمارەیگ لە هاوڕێەگانی.
وەرجەیە، فالح فەیاز وەرپرس دەزگای حەشد شەعبی بڕیار کۆتایی هاوردن وە ئەرک حامید جەزائیری لە فەرماندەی لیوای ١٨ لە حەشد دا.