شه‌فه‌ق نيوز/ سه‌رچه‌وه‌يگ ئه‌منى عراق، ئاشكراى ئه‌وه كرد جيگر دۆناڵد تره‌مپ سه‌رۆك ئه‌مريكا و وه‌زير وه‌رگرى ئه‌مريكى وه سه‌ردانيگ نائاشكرا ره‌سينه‌سه بنگه‌ى ئاسمانى عه‌ينولئه‌سه‌د له پاريزگاى ئه‌نبار.
سه‌رچه‌وه‌گه له لێدوانيگ تايبه‌ت ئه‌را شه‌فه‌ق نيوز وت: مايك بنس جيگر سه‌رۆك ئه‌مريكا له ئيواره‌ى ئمڕوو ره‌سيه‌سه بنگه‌ى ئاسمانى عه‌ينولئه‌سه‌د و له دوياى ئه‌ويش مارك ئه‌سپه‌ر وه‌زير وه‌رگرى وه‌ل خوه‌ئاوابوين ره‌سيه.
سه‌رچه‌وه‌گه هه‌ميش وت: سه‌ردانه‌گه بنس له‌وه‌ر خاتر ئاگاداربوينه له پرووسه‌ى دامه‌زرانن و كاراكردن سيسته‌م وه‌رگرى پاتريۆت و وه‌سه‌ركردنه‌وه‌ى هيزه‌يل وڵاته‌گه‌ى و هاوپه‌يمان ناوده‌وڵه‌تى.
جى باسه، زيانيارى زياتر له‌باره‌ى ئه‌وه ئاشكرا نه‌كريا ك ئايا ئه‌و هه‌ردوگ وه‌رپرس ئه‌مريكيه چه‌ويان ئه‌گه‌فێده وه‌رپرسه‌يل عراقى يا نه.