شه‌فه‌ق نيوز/ په‌يمانگاى نه‌ته‌وه‌يى ئه‌را توێژينه‌وه‌يل گه‌ردونناسى و جيوفيزيايى له قاهره جه‌خت له‌وه كرد وه‌گووره‌ى هساوه‌يل گه‌ردونناسى ك زانايه‌يل په‌يمانگاگه ئه‌نجامى دانه ئه‌وه ده‌ركه‌فتگه ك رووژ يه‌كشه‌ممه 11ى ئاب ئاينده ئه‌دێده يه‌كه‌م رووژ جه‌ژن.
په‌يمانگاگه له به‌ياننامه‌يگ وت: مانگ له زيلحجه‌ى ئمساڵ 1440 له سه‌عات په‌نج و 12 ده‌قه‌ى شه‌وه‌كى ده‌رئه‌كه‌فێد وه وه‌خت ناوچه‌يى شار قاهيره له رووژ په‌نجشه‌ممه‌ى ئاينده له مانگ ئاب و له 29 زيلقه‌عده‌ى ئى مانگه.
به‌ياننامه‌گه هه‌ميش وت: له‌ڕوێ گه‌ردونناسييه‌و رووژ شه‌ممه‌ى 10ى ئاب رووژ وسيانه له‌بان جه‌وه‌ڵ عه‌ره‌فات و رووژ يه‌كشه‌ممه 11ى ئاب ئه‌دێده يه‌كه‌م رووژ جه‌ژن قوربان وه‌گووره‌ى هساوه‌يل گه‌ردوونناسى.