ماركس له دیمانه‌ێگ وه‌ل CNN وتگه : كونتروڵ كردن ڕومادی له لاێه‌ن چه‌كداره‌یل داعش وه‌ێ خیراییه ،مانای ئه‌وه‌سه هێزه‌یل عراقی له ڕوێ فه‌رمانده‌یی و پێشه‌ییه‌وه ئه‌ڕا ئه‌نجامداین ئه‌ركه‌گان لاوازن.
زیاتر وتگه : " سوپاێ عراق یه‌كه‌یل سه‌ربازی ئاست به‌رز و نایابێگ دێرێ ، وه‌لێ زورم ئه‌و هێزه‌یله له ناو و ده‌وروه‌ر به‌غدا دامه‌زریانه ، ئه‌ڵبه‌ته بایه‌د پایته‌خت وه‌هه‌ر قیمه‌تێگ بپارێزیه‌ێ و له حاڵ حازر به‌غدا سه‌قامگیره.
ئه‌و جه‌نه‌رال خانه نشین ئه‌مریكیه وه‌یه‌یش ئشاره كردگه مه‌ترسی هاله‌وره ك ئه‌و هێزه‌یله ك ئه‌را جه‌نگ له ناوچه سوننیه‌گان كل كریانه زورمیان میلیشیای شیعه‌ن و له لاێه‌ن ئێرانه‌وه پشتگیری ئه‌كریه‌ن ، هه‌ر وه‌ی خاتره جه‌نگ ڕه‌هه‌ندێگ تایفى گردگه‌سه خوه‌ێ.