شەفەق نیوز/ دەزگای کەشوهەوای عراقی، ئمڕوو پەنجشەممە، مەزەنە کرد ک وڵاتەگە لە ماوەیوو رووژ ئایندە ئاسمانەگە پاک و خوەرین بوود وە پلەی گەرمی نزیک ٥٠ سەدی بوود.

دەزگاگە لە بەیاننامەیگ رەسیە ئاژانس شەفەق نیوز وت: کەشەوهەوای سوو جمعە لە گشت ناوچەیل پاک و خوەرین بوود، و دیاری کرد ک هەواگە لە ناوچەیل ناوڕاس و باشوور بوودە باکووری خوەرئاوایی و تونیەگەی کەم تا ناوڕاس بوود،  و لە مەوقەی رووژانە ئەرا ٣٠ کم/س تونەو بوود.

لە ناوچەی باکووری، دەزگاگە وت: جوولەی هەتاگە بوودە باکووری خوەرائاوایی و تونیەگەی کەمە، و دیاری کرد ک پلەی خوارین گەرمی لە بەغداد رەسێدە ٢٨ پلە و باڵاگە رەسێدە ٤٨ پلەی سەدی.

وتیش؛ خوارترین پلەی گەرمی ئەوەسا لە سلێمانی و نەینەوا و دیالە تۆمار کریەێد ک رەسێدە ٢٤ پلەی سەدی، و باڵاگەی لە میسان وناسریە و موسەنا و بەسرە رەسێدە ٣٣ پلەی سەدی، و نزمترین پلەی باڵا لە دهۆک  ٤٠ پلە و بەرزترینیان لە بەسرە ٤٩ پلەی سەدی تۆمار کریەێد.

کەشوهەوای رووژ شەممەی ئایندە ئەوەسا لە گشت ناوچەیلە پاک و خوەرین بوود وە پلەی گەرمی جوور رووژ وەرینی.